Testimi i rrjetit të hidrantëve

Albkos Safety ofron shërbime profesionale për testimin, kontrollin teknik dhe mirëmbajtjen e rrjetit të hidrantëve të brendshëm dhe të jashtëm për biznese, institucione dhe objekte industriale në të gjithë Kosovën.

Shërbimet tona kryhen në përputhje me Udhëzimin Administrativ (MPB) Nr. 24/2012 për Rrjetin e Hidrantëve për Fikjen e Zjarrit, si dhe me kërkesat e standardeve EN 671-1, EN 671-2 dhe EN 671-3 për sistemet e hidrantëve të brendshëm, si dhe EN 14384 dhe EN 14339 për hidrantët e jashtëm. Përmes kontrolleve dhe matjeve teknike, verifikojmë funksionalitetin dhe gatishmërinë e sistemit për përdorim në rast zjarri.

Kontrolli dhe testimi periodik i rrjetit të hidrantëve ndihmojnë në ruajtjen e sigurisë së objektit, përmbushjen e kërkesave ligjore dhe sigurimin e funksionimit të sistemit të furnizimit me ujë gjatë një emergjence.

Kontrolli dhe testimi i rrjetit të hidrantëve

Me pajisje matëse të kalibruara dhe personel të kualifikuar, kryejmë kontrollin teknik dhe testimin funksional të rrjetit të hidrantëve në përputhje me kërkesat teknike dhe procedurat e zbatueshme.

• Matja e presionit dhe rrjedhjes së ujit
  Kryejmë matjen e presionit statik, presionit dinamik dhe rrjedhjes së ujit për të vlerësuar performancën e rrjetit të hidrantëve.
• Kontrolli i pajisjeve përcjellëse
  Inspektojmë kutitë e hidrantëve, zorrët, ujëhedhësit (fiskajat), valvulat dhe pajisjet e tjera për të identifikuar dëmtimet, konsumimin ose mangësitë funksionale.
• Komisionimi dhe pranimi teknik
  Kryejmë testimin e rrjeteve të reja të hidrantëve dhe hartojmë raportet teknike për komisionim dhe pranim teknik para vënies në funksion të sistemit.

Përputhshmëria ligjore dhe dokumentacioni teknik

Kontrolli periodik i rrjetit të hidrantëve është pjesë e mirëmbajtjes së sistemeve të mbrojtjes nga zjarri dhe ndihmon subjektet të përmbushin kërkesat ligjore dhe teknike në fuqi.

• Personel i kualifikuar
  Testimet kryhen nga personel profesional me pajisje matëse të kalibruara dhe sipas procedurave të përcaktuara për kontrollin e sistemeve të hidrantëve.
• Raport teknik i testimit
  Pas përfundimit të testimit përgatitet raporti teknik me rezultatet e matjeve, gjendjen e sistemit dhe rekomandimet përkatëse, duke siguruar dokumentacion të plotë për evidencë dhe inspektime.